[Show all top banners]

huippa

More by huippa
What people are reading
Subscribers
:: Subscribe
Back to: Politics Refresh page to view new replies
 ओलीको बोली र जुङ्गाको ताउ
[VIEWED 6793 TIMES]
SAVE! for ease of future access.
Posted on 09-05-18 12:13 PM     Reply [Subscribe]
Login in to Rate this Post:     0       ?    
 

प्रधानमन्त्री केपी ओलीले पटक–पटक आफ्नो सफलताको रुपमा प्रस्तुत गर्ने गरेको ‘देशभरबाट तुइन विस्थापन’ को काम अझै पूरा हुन सकेको छैन । दार्चुला जिल्लामा अझै पनि स्थानीय जनता तुइनमा झुण्डिएर महाकाली नदी वारपार गर्न बाध्य छन् । ओलीले अघिल्लो पटक प्रधानमन्त्री हुँदै देशभरबाट तुइन हटाउने घोषणा गरेका थिए । यसबीच महाकाली नदीमा धेरै पानी बगिसकेको छ । तर अझै पनि तुइनको कष्टकर जीवनबाट नेपाली जनता मुक्त हुन सकेका छैनन् । ओलीले आफ्नो भारत भ्रमणको क्रममा भारतीय समकक्षी र उत्तर प्रदेशका मुख्यमन्त्रीसँग सो विषयमा कुरा गरिसकेको, अब चाँडै दार्चुलाको तुइन पनि विस्थापन हुने बोल्दै आएको धेरै भइसकेको छ । तर उनको कुराले चिउरा भिजेन । काममा कुनै प्रगति भएन ।
प्रम ओलीले तत्काल सुधार गर्न निर्देशन दिएका राजधानीका बाटाको अवस्थामा पनि कुनै सुधार हुन नसकेको समाचार मङ्गलबार पत्रपत्रिकामा प्रकाशित भए । ओलीले विशेषतः चावहिल र कलड्ढीको बाटोमा सुधार गर्न प्रत्यक्ष निर्देशन दिएका थिए । तर दिनको लाखौं मानिस हिंड्ने यी बाटामा कुनै सुधार भएको छैन । बाटोघाटो अस्तव्यस्तताकै कारण चौथो बिम्स्टेक सम्मेलन निर्धारित स्थानमा हुन सकेन । गोकर्ण रिसोर्टमा हुने भनिएको सम्मेलन सोल्टी होटलमा गर्नुप¥यो ।
कञ्चनपुरमा निर्मला पन्तको बलात्कारपछि भएको हत्याको घटना एक महिनाभन्दा बढी समय बितिसकेको छ । तर सरकारले अझसम्म दोषी पत्ता लगाउन सकेको छैन । राजधानीमै एक जना पूर्वराजदुतको हत्या भयो, एक जना सांसदलाई ज्यान मार्ने धम्की आयो । तर त्यसको लागि सरकारले न दोषी देखाउन सक्यो न कसैलाई कारबाही नै गर्नसक्यो । सुन तस्करीको मुद्दा पनि गुफाभित्रै कैद बन्न पुगेको छ ।
ओली प्रधानमन्त्री बने यता देशका विभिन्न स्थानमा भएको जनसङ्घर्षमा प्रहरी प्रशासन निर्मम भएर प्रस्तुत भएको छ । उपत्यकामा सडक विस्तारको नाममा आदिवासी जनतामाथिको दमनविरुद्ध उत्रेका जनतादेखि कञ्चनपुरमा निर्मलाको हत्यारा पत्ता लगाउन सडकमा उत्रेका जनतालाई प्रहरीले निर्मम भएर दमन गरे । जनताको भावना र गुनासोलाई सही तरिकाबाट समाधान गर्नुको सट्टा सरकार आफैं जनतामाथि दमनमा उत्रिंदा सरकारप्रति जनअसन्तोष बढिरहेको छ ।
ओली सरकार बनेपछि नेपाली जनतामाथि करको क्षेत्र विस्तार भएको छ । नेपालको पानी खाडी देशमा बेच्नेदेखि नेपाली सुन्तला र स्याउ विदेशमा निर्यात गर्नेसम्मका सपना बाँडे पटक–पटक ओलीले तर नेपाललाई विकास र समृद्धिको बाटोमा अघि बढाउने सरकारको कुनै सड्ढेत प्राप्त भएन । बरु नेपाल वायुसेवा निगमले खरिद गरेका वाइड बडी विमान खरीदमा भ्रष्टाचार भएको समाचार व्यापक बन्यो । हुट्टियाउँको चाल खुट्टैले थाहा हुन्छ भनेजस्तै यो सरकारले वास्तवमा आफूले भनेजस्तो प्रगतिको बाटोमा जान नसकेको कुरा उसले गरेको कामबाट विश्लेषण गर्न कुनै कठिन छैन ।
ओली सरकार उभिएको धरातल नै खोटो भएको कारण ओलीको मनोवाच्छा आकाशको फल आँखा तरी मर भनेजस्तै हुने अवस्था छ । समाजका कालाबजारी, भ्रष्ट ठेकेदार, नाफाखोर अनैतिक पुँजीपति र हिजो पञ्चायतमा बसेर जनतामाथि शासन गर्न पल्केका पञ्चहरूको जगमा उभिएको ओली सरकारले जुङ्गामा जतिसुकै ताउ लगाए पनि ऊ क्रमशः नाङ्गिदै गएको नेपाली जनताले चाल पाएको कुरा हो ।
 


Please Log in! to be able to reply! If you don't have a login, please register here.

YOU CAN ALSO



IN ORDER TO POST!




Within last 60 days
Recommended Popular Threads Controvertial Threads
What are your first memories of when Nepal Television Began?
निगुरो थाहा छ ??
Basnet or Basnyat ??
Sajha has turned into MAGATs nest
NRN card pros and cons?
Will MAGA really start shooting people?
मन भित्र को पत्रै पत्र!
Top 10 Anti-vaxxers Who Got Owned by COVID
TPS Work Permit/How long your took?
काेराेना सङ्क्रमणबाट बच्न Immunity बढाउन के के खाने ?How to increase immunity against COVID - 19?
Breathe in. Breathe out.
3 most corrupt politicians in the world
चितवनको होस्टलमा १३ वर्षीया शालिन पोखरेल झुण्डिएको अवस्था - बलात्कार पछि हत्याको शंका - होस्टेलहरु असुरक्षित
शीर्षक जे पनि हुन सक्छ।
Disinformation for profit - scammers cash in on conspiracy theories
someone please tell me TPS is here to stay :(
Nepali doctors future black or white usa ?
Doctors dying suddenly or unexpectedly since the rollout of COVID-19 vaccines
BREAKING: THE LEFT HAS LOST THE SUPREME COURT!
Another Song Playing In My Mind
Nas and The Bokas: Coming to a Night Club near you
NOTE: The opinions here represent the opinions of the individual posters, and not of Sajha.com. It is not possible for sajha.com to monitor all the postings, since sajha.com merely seeks to provide a cyber location for discussing ideas and concerns related to Nepal and the Nepalis. Please send an email to admin@sajha.com using a valid email address if you want any posting to be considered for deletion. Your request will be handled on a one to one basis. Sajha.com is a service please don't abuse it. - Thanks.

Sajha.com Privacy Policy

Like us in Facebook!

↑ Back to Top
free counters